Urdu Poetry

[Debater]

One of my favourites:

[shikran]

Safar Tanha Nahin Karte,
Suno! Aisa Nahin Karte..

Jise Shaffaaf Rakhna Ho,
Usey Mela Nahin Karte..

Teri Aankhein Ijaazat Dein,
To Hum Kya Kya Nahin Karte..

Buhat Uj'ray Huey Ghar Pe,
Buhat Socha Nahin Karte..

Safar Jiska Muqaddar Ho,
Usey Roka Nahin Karte..

Jo Mil Kar Khud Se Kho Jaey,
Usey Ruswa Nahin Karte..

Chalo Tum Raaz Ho Apna,
Tumhe Ifshaa Nahin Karte..

Yeh Oonche Paer Kaise Hain?
Kahin Saaya Nahin Karte..

Jo Dhun Ho kar Guzarne Ki,
To Phir Socha Nahin Karte..

Kabhi Hansne Se Darte Hain,
Kabhi Roya Nahin Karte..

Teri Aankhoun Ko Parhte Hain,
Tujhe Dekha Nahin Karte..

Sehar Se Pooch Lo Mohsin,
Kay Hum Soya Nahin Karte...

[shikran]

"Aaj zinda hun tu jitna piyar dena ha Mujhy do yaaro
Jab mar jaun to mere Laash pay bewja Drama Bazi nahi krna

Baryani khany k lae "

[shikran]

"Qissa abhi hijaab say aagy nahi barha
Me "Aap", wo "Janab" say aagy nahi barha

Muddat hoe kitab-e-muhabbat shoro kiye
Laken main pehly baab say aagy nahi barha

Lambhi musaften hain magar iss swaar ka
Paun abhi rakaab say aagy nahi barha

Tool-e-kalaam k liye me ne kiye swal
Wo mukhtasar jawab say aagy nahi barha

Rukhsaar ka tu pata nahi, ankhen tu khoob hain
Didaar abhi naqaab say aagy nahi barha

Wo lazat-e-gunah say mehroom he raha
Jo khowaish-e-swab aagy nahi barha"

[shikran]

"Jo ho saky tu bhula dena ranjishen dil ke
K dosti ka taqaza ha dar guzar krna

Tery tarz-e-taghaful say kya gila
Hamen he nahi aaya dilon me ghar krna"

[shikran]

[shikran]

Koi to hai jo, nizaam-e-hasti
chala raha hai, wohi khuda hai
Dikhayi bhi jo na de nazar bhi
Jo aa raha hai, wohi khuda hai

Nazar bhi rakhe, samaatein bhi
Woh jaan leta hai, neeatein bhi
Jo khana-e-lashaoor mein jagmaga raha hai
wohi khuda hai, wohi khudaa hai

Talash uss ko, na kar buttoun mein
woh hai badalti hui ruttoun mein
Jo din ko raat aur raat ko din
bana raha hai, wohi khuda hai
wohi khuda hai, wohi khudaa hai

[shikran]

Ghulami Main Na Kaam Aati Hain Shamsheerain, Na Tadbeerain
Jo Ho Shok-E-Yaqeen Paida Tou Cut Jaati Hain Zanjeerain

Koi Andaza Ker Sakta Hai Uss Kay Zor-E-Bazu Ka
Nigha-E-Mard-E-Momin Say Badal Jati Hain Taqdeerain

iqbal

[Brother Hassan]

Ghulami Main Na Kaam Aati Hain Shamsheerain, Na Tadbeerain
Jo Ho Shok-E-Yaqeen Paida Tou Cut Jaati Hain Zanjeerain

Koi Andaza Ker Sakta Hai Uss Kay Zor-E-Bazu Ka
Nigha-E-Mard-E-Momin Say Badal Jati Hain Taqdeerain

iqbal

Whats The Meaning Of Tadbeerain ? ( I'm Not That Good In Urdu )

[shikran]

Whats The Meaning Of Tadbeerain ? ( I'm Not That Good In Urdu )

Neither swords nor plans are of any avail in slavery
Chains are cast away when taste for Faith is created

Can anyone assess the strength of his arms?
Destinies are changed by the Believer's mere glance!

[shikran]

Khudi ko kar buland itna ke har taqder se pehle
Khuda bande se ye poche bata teri raza kia hai


iqbal

[shikran]

Tere ishq ki intaha chaahata hoon
Meri saadgi dekh kya chaahata hoon

Sitam ho ki ho vaada-e-behijaabi
Koi baat sabr-aazama chaahata hoon

Yeh jannat mubarak rahe zaahidon ko
Ki main aap ka saamna chaahata hoon

Koi dam ka mehaman hoon aye ahal-e-mahfil
Chiraag-e-sahar hoon, bujha chaahata hoon

Bhari bazm mein raaz ki baat kah di
Bada be-adab hoon, saza chaahata hoon.

iqbal



Completion of your Love is what I desire
Look at my sincerity what little I desire

It may be oppression or the promise of unveiling
Something testing my perseverance I desire

May the pious be happy with this Paradise
Only to see your Countenance I desire

Though I am but a tiny little heart I am so bold
To hear the same “Lan taranâ ” I desire

O assembly’s companions! I am existing only for a few moments
I am the dawn’s candle, I am about to be extinguished

I have divulged the secret in the full assembly
I am very insolent, punishment I desire

Translation:
By Dr. M.A.K. Khalil

[shikran]

Kabhi Aye Haqeeqat-E-Muntazir, Nazar Aa Libaas-E-Majaaz Mein
Ki Hazaaron Sajde Tadap Rahe Hain, Meri Ik Jabeen-E-Niyaaz Mein

Tu Bacha-Bacha Ke Na Rakh Ise, Tera Aayina Hain Woh Aayina
Ki Shiqastaan Ho To Aziztar, Hai Nigaah-E-Aainasaaz Mein

Na Kahin Jahaan Mein Amaan Mili, Jo Amaan Mili To Kahaan Mili
Mere Jurm-E-Khana-Kharab Ko, Tere Afv-E-Banda-Nawaaz Mein

Na Woh Ishq Mein Rahi Garmiyaan, Na Woh Husn Mein Rahi Shokhiyaan
Na Woh Ghaznavi Mein Tadap Rahi, Na Woh Khum Hai Zulf-E-Ayaaz Mein

Jo Main Sar-Ba-Sajda Hua Kabhi, To Zameen Se Aane Lagi Sada
Tera Dil To Hai Sanam-Aashna, Tujhe Kya Milega Namaaz Mein

iqbal

[shikran]

Kasam tumko mere sir kee., mere pehloo se mat sirko.
Agar sirko tu yun sirko, kalam kar ky mere sar ko

[shikran]

Zamanay kay andaaz badlay gaey
Naya raag hai saaz badlay gaey

Khirad ko ghulami say aazad kar
Jawanon ko peeron ka ustad kar

Jigar say wohi teer phir par kar
Tamanna ko seenon main bedar kar

Jawanon ko sozi jigar bakhsh de
Mera ishq meri nazar bakhsh de

Pila de mujhe woh may pardah soz
Keh aati nahin fasl-e-gul roz roz

Woh may jis say roshan hai zameer-i-hayaat
Woh may jis say hai mastee-e-kainaat

Zamanay kay andaaz badlay gaey
Naya raag hai saaz badlay gaey

iqbal

[shikran]

tundi e bad e mukhalaf say tu gabra na AQAB
ya tu chalti hay tujay uncha oranay kay liya

iqbal

[shikran]

halat kay qadmoon pay qalandar nahi girta
totay bhi ju tara tu zamin par nahi girta

girtay hein samandar mein baray shok say darya
lakin kisi darya mein samandar nahi girta

samaj wahan phaldar sajar koi nahi hai
wo sahan kay jis mein koi pathar nahi girta

heran hai ka'iee roaz say therah hua pani
talaab mein abb kyon koi kankar nahi girta

iss banda_e_khudar pay nabyon ka hai saya
jo bhok mein bhi lukma_e_tar par nahi girta

qaim hai KATIL abb yeh mere sir kay saton par
bhochal bhi aye tu mera ghar nahi girta

[shikran]

Barbaad hony k aur bhe rasty thy Faraz
Na jany hmen Muhabbat ka he kiun khyal aaya

[davey0]

Barbaad hony k aur bhe rasty thy Faraz
Na jany hmen Muhabbat ka he kiun khyal aaya

Asalaamalaikum!!

can i please have the english translation to this?

thank you

[Kas1m]

There were many ways to get destroyed, Faraz
Don't know why I thought of Love

[shikran]

There were many ways to get destroyed, Faraz
Don't know why I thought of Love

@davey0.. ths is english translation

... Faraz k sher kafi pasand hain ap ko

[shikran]

"Kisi ko mill jay Fawa, naseebon ke baat ha
Koe rota rahy sada, naseebon ke baat ha

Kisi ko chahna khud say barh kar
Na ban saky wo apna, naseebon ke baat ha

Koe kisi ke yaad me roya kry bahut
Koe kry na parwa, naseebon ke baat ha

Apni jaan bhe waar deta ha kisi per koe
Phir bhe rahy koe khafa, naseebon ke baat ha

Kisi koe mill jain kushian hazaar
Koe dhundta rahy muskan, naseebon ke baat ha

Koe mill jay kisi ko bin mangy he
Koe UMAR bhr krta rahy talash, naseebon ke baat ha"

[Brother Hassan]

Bro Shikran
More 2 Line Faraz Shairs

[Kas1m]

faraz ke shair ache hain..yes

[shikran]

Bin Maange He Mil Jaati Hain Tabeerain Kisi Ko Faraz .
Koi Khaali Hath Reh Jaata Hai HAazaroon Duaaon K Baad



Main us ka hoon ,ye raaz tu wo jan gaya hai “Faraz”
Wo kis ka hai ye sawal mujhe sonay nahin deta!


Dil K Rishton Ki Nazakat wo Kia Janey ‘Faraz’
Naram Lafzon Se Bhi Lag Jati Hain Chotain Aksar


"USS ne mjy raat ko akaily jangal me chor dya FARAZ
yeh keh kr k pyar kia tu darna ka"



"Itna sun k he hamara dil he tut gya FARAZ
The number u have dialed is bzy on another call"

[Kas1m]

Dil sulagta raha chandani raat mein
Chand kiya keh gaya chandani raat mein

[munnibhai]

farz karo hum ehl-e-wafa hon
farz karo deevanay hon
farz karo ye nain tumhare
sach much k mey khanay hon
farz karo ye dono batain
jhooti hon afsanay hon

farz karo ye jog ho jhoota
jhooti peet hamari ho
farz karo is jhooti peet se
saans bhi hum pe bhaari ho

farz karo ye jog dar jog ka
khel hum ne rachaya ho
farz karo bas yahi ho haqeeqat
baaqi sab kuch maya ho

[shikran]

Bahut he maan ha tum per
Suno, Pass-e-wafa rakhna

Sabhi say tum millo laken
Zara sa fasla rakhna

Bichar jana jo parta ha
Zara sa hosla rakhna

Wo sary wisaal k lamhy
Tum ankhon me saja rakhna

Abi imkan baqi ha
Abhi lab pr dua rakhna

Bahut nayab hon dekho
"MUJHY" sab say juda rakhna

[shikran]

"Kitny anmol hoty hain yeh muhabbat k rishty bhe
Taluq tut bhe jay tu chahat phir bhe rehti ha"

[davey0]

"Kitny anmol hoty hain yeh muhabbat k rishty bhe
Taluq tut bhe jay tu chahat phir bhe rehti ha"

Asalaamalaikum

thank you for your previous quote

can i please have the english translation to this quote...jazakallah

[abu_tamim]

http://drabutamim.blogspot.com/2011/...-wasallam.html

[shikran]

Asalaamalaikum

thank you for your previous quote

can i please have the english translation to this quote...jazakallah

Waaliakum Asslaam wa rah ma tullah

Relationships of love are so precious
Love always remains the same even after the breakup

Kasim bhai guide kejy ga agr translation sahi nahi ha tu..

[shikran]

Aaj tut kr uss ke yaad aae tu ehsaas hua FARAZ
Utar jain jo dil me wo bhulaiy nahi jaty

[shikran]

"Faraz VS Wasi"

"Urte hue Parindon ko koe qaid nahi kr sakta FARAZ
Jo apny hoty hain wo khud he loat aaty hian"

Wasi reply to FARAZ

"Na rakh umeed-e-wafa kisi parindy say WASI
Jb par nikal aaty hian apna he aashiyana bhool jaty hain"

[shikran]

Dar Badr Ki Saza Se Darty Hen,
Khushk Patay Hen Hawa Se Drtay Hen,

Aandhion Se kAbHi MUhAbbat Thi HUMIen,
Ab To Baad-e-Saba Se Dartay Hain,

Nafraton Ne Wo Lazzatein Bakhshin,
Chahat Jesi Bala Se Dartay Hain,

Logon k Karam Hain Itnay,
~ Faraz ~
Zindagi ki Dua Se Dartay Hain...

[Kas1m]

Waaliakum Asslaam wa rah ma tullah

Relationships of love are so precious
Love always remains the same even after the breakup

Kasim bhai guide kejy ga agr translation sahi nahi ha tu..

MashAllah such a beautiful shair

[shikran]

MashAllah such a beautiful shair

shukriya shukriya..

sher arz ha

hm muhabbat me zabardast k qail nahi WASI
.
.
.
hm muhabbat me zabardast k qaiil nahi WASI
jinhe karni ha kary, nahi tay paran mary

[Brother Hassan]

Aaj halki halki baarish hay,
aaj sard hawa ka raqs bhi hay,
Aaj phool bhi nikhray nikhray hain,
aaj un main tumhara aks bhi hay,

[Kas1m]

Wah shukran

Brother hassan kamal hai...aap ne ronaq aur barha di...maza aa gaya

[Brother Hassan]

Brother hassan kamal hai...aap ne ronaq aur barha di...maza aa gaya

Thank You

[shikran]

Aaj halki halki baarish hay,
aaj sard hawa ka raqs bhi hay,
Aaj phool bhi nikhray nikhray hain,
aaj un main tumhara aks bhi hay,

kya romantic mausam ke yaad dila de aap ne.. barish, hawa, phool, aks.. wa g wa..